ആരോ പറഞ്ഞിരുന്നു..ആർക്കും വേറൊരാളുടെ സ്വപ്നങ്ങൾ വിലയ്ക്ക് വാങ്ങാൻ പറ്റില്ല എന്ന്.. അന്ന് ഞാനും അത് കയ്യടിച്ചു പാസാക്കിയതാണല്ലോ.. ഇന്ന് ഞാനതിന് വിലയിട്ടതായി നിനക്കും തോന്നിയോ?ഒരുമിച്ചു സ്വപ്നം കാണാമെന്നല്ലേ പറഞ്ഞത്.. ഒരുമിച്ചു മത്സരിച്ചു ഒരേ സ്വപ്നത്തെ കീഴടക്കി  നിന്റെ മുഖത്തെ Blush ചെയ്ത ചിരി കണ്ടു അന്ന് ഞാൻ പറയും  ലോകത്തെ ഏറ്റവും സന്തോഷവാൻ ഞാൻ  ആണെന്ന്..  പക്ഷെ ഇന്ന് ഞാൻ ചുറ്റും അപരിചിതരാൽ ചുറ്റപ്പെട്ട ഏതോ ഒരു ലോകത്താണ് . കാക്കയുടെ ജന്മമാണ്.. കാറിക്കൂവി ഞാൻ നിലവിളിച്ചു കൊണ്ടിരിക്കുന്നു..തിരക്കിട്ട മനുഷ്യർ..ആരും ഒന്നും ശ്രദ്ധിക്കുന്ന പോലുമില്ല..എനിക്കറിയാം. നീ കാണും,നീ മാത്രം... എത്ര ദൂരെയാണെങ്കിലും... സമാന്തരമായ ഏതോ ഒരു ലോകത്തു എന്നെ പോലെ മറ്റാരാലും ശ്രദ്ധിക്കപ്പെടാതെ എന്റെ തൊട്ടടുത്തു കൂടി നടക്കുന്നുണ്ട് നീ.. എന്നിലൂടെ എന്നെക്കാളും വളർന്ന നീ..എപ്പോഴാണ് നമ്മുടെ സ്വപ്നങ്ങൾ കൂടിച്ചേരുക .. അപരിചിതരുടെ മുഖംമൂടി വലിച്ചെറിഞ്ഞു എപ്പോഴാണ് നാം സ്വാതന്ത്ര്യം പ്രഖ്യാപിക്കുക..