കുഞ്ഞു കാര്യങ്ങളുടെ ഒടേ തമ്പുരാൻ

കുറെ വൈകിയാണ് അരുന്ധതി റായ് യുടെ "കുഞ്ഞു കാര്യങ്ങളുടെ ഒടേ തമ്പുരാൻ (The God of small Things) വായിച്ചത്.. വല്ലാത്ത ഒരെഴുത്തായിരുന്നു .. അത് കൊണ്ട് തന്നെ വായനയും വല്ലാത്ത ഒരു വായനയായി പോയി.. റാഹേലും, എസ്‌തയും എഴുത്തുകാരിയുടെ ഉള്ളിൽ തന്നെയുള്ള ഇരട്ടകളാണെന്നാണ് ആദ്യം തോന്നിയതെങ്കിൽ പിന്നെ പിന്നെ അത് എന്റെ ഉള്ളിലുള്ള ഇരട്ടകൾ അല്ലെ എന്ന തോന്നലിലെത്തിച്ചു.. ഒരു ചെറിയ സംഭവം കൊണ്ടു വരാനിരിക്കുന്ന നല്ല നാളുകൾ അട്ടിമറിക്കപ്പെട്ടതായി തോന്നിയ അനുഭവമായിരുന്നു കിരീടം എന്ന സിനിമ കണ്ടപ്പോൾ..അതേ തോന്നലായിരുന്നു ഈ പുസ്തകം വായിച്ചപ്പോഴും.. എസ്‌തയും, റാഹേലും, അമ്മുവും, വെളുത്തയും വളരെ ആഴത്തിലേക്ക് വേരൂന്നി പിടിച്ചിരിക്കുന്നു.. മരണത്തിനായി നടത്തിയ ഗൂഡാലോചന ഇപ്പോഴും അന്തരീക്ഷത്തിലുള്ള പോലെ.. 23 വർഷങ്ങൾക്കു ശേഷം റാഹേൽ വിളിച്ച "എസ്തപ്പാപ്പിച്ചാച്ഛൻ കുട്ടപ്പൻ പീറ്റർ മോൻ" വിളി ഇപ്പോഴും ചെവിയിൽ ഇങ്ങനെ മുഴങ്ങുന്നുണ്ട്.. എസ്‌തയും റാഹേലും എവിടെയായിരിക്കുമിപ്പോ??