ആ ഞാൻ നീയും ആ നീ ഞാനുമായി രൂപാന്തരപ്പെടുമ്പോൾ കഥകൾക്കിടയിൽ പ്രണയം പൊടി പൊടിക്കുകയായിരുന്നു.. . . പക്ഷെ വരികൾക്കിടയിൽ ഗൂഡാലോചന തകൃതിയായി നടക്കുകയായിരുന്നു പോലും. ഏതോ വരിയിൽ എന്നെ ഒറ്റിക്കൊടുത്ത ഒരു പ്രണയം നിശബ്ദമായി ചിരിക്കുന്നുണ്ടായിരുന്നു.. പതുക്കെ പതുക്കെ കൂടിക്കൊണ്ടിരുന്ന ആ ചിരിയുടെ ശബ്ദം ട്രെയിൻ ശബ്ദത്തെയും മറികടന്നു എന്നെയും കീഴ്‌പ്പെടുത്തി,എന്നെയും കീറിമുറിച്ചു എങ്ങോട്ടേക്കോ പോയിക്കൊണ്ടിരുന്നു... .