പയ്യന്നൂര്‍ റെയില്‍വേ ഓവര്‍ ബ്രിഡ്ജ്
അങ്ങനെ ഇന്ന് പയ്യന്നൂര്‍ റെയില്‍വേ ഓവര്‍ ബ്രിഡ്ജിന്റെ ഉദ്ഘാടനവും കഴിഞ്ഞു .. കുറെക്കാലമായുള്ള ജനങ്ങളുടെ കാത്തിരിപ്പ്‌ ഇന്ന് സഫലമായി.. സ്വപ്ന സാക്ഷാത്ക്കാരത്തിനു മുഖ്യമന്ത്രിയും,എം.എല്‍.എ.യും,എം.പി.യും എല്ലാരും എത്തി.. ഇനി പേടിക്കണ്ട അരമണിക്കൂര്‍ അടഞ്ഞ റെയില്‍വേ ഗേറ്റിനു മുന്നില്‍ കാത്തിരിക്കണ്ട.. ഇനി മുതല്‍ വൈകി വീട്ടില്‍ നിന്ന് ഇറങ്ങുന്നവര്‍ക്ക് കൃത്യസമയത്ത് തന്നെ വണ്ടി കിട്ടും .. റെയില്‍വേ ഗേറ്റിനു പകരം ഇനി ടോള്‍ ഗെറ്റ് ഉണ്ടാകും .. പക്ഷെ എത്ര പേര്‍ സന്തോഷിച്ചാലും ഇന്ന് വിഷമിക്കുന്ന 2,3 പേര്‍ ഉണ്ടാകും .. മറ്റാരുമല്ല, പയ്യന്നൂര്‍ റെയില്‍വേ ഗേറ്റ് ജീവനക്കാര്‍ തന്നെ.. ഇത് വരുമ്പോ പുറമേ പറഞ്ഞില്ലെങ്കിലും ഏറ്റവും കൂടുതല്‍ എതിര്‍ത്തിട്ടുണ്ടാകുക അവര്‍ ആയിരിക്കും.. എല്ലാ തവണയും പയ്യന്നൂരേക്ക് പോകുമ്പോള്‍ ഗേറ്റ് അടക്കാനും തുറക്കാനും പരിചയമുള്ള മുഖങ്ങള്‍ .. ഇന്നലെ അവസാനത്തെ വണ്ടി വന്നപ്പോ ഗേറ്റ് അടച്ചപ്പോഴും പിന്നെ തുറന്നപ്പോഴും കണ്ണില്‍ നിന്ന് വെള്ളം വന്നിട്ടുണ്ടാകണം.. ഇനി ആ ഗേറ്റും അവരും അവിടെ ഉണ്ടാകില്ല.. വേറെ ആര്‍ക്കും ഇല്ലാത്ത ആത്മബന്ധം അവര്‍ക്കുണ്ടാകും ആ റെയില്‍വേ ഗേറ്റിനോട്‌ .. കുറച്ചു ദിവസങ്ങളായി മനസ്സാകെ ഉരുക്കുന്നുണ്ടാകും .. ഇനി കൂ കൂ വിളികള്‍ക്ക് കാതോര്‍ത്ത് പച്ചക്കൊടിയും ചുവപ്പ് കോടിയുമായി വേറെ ഒരു സ്ഥലത്തേക്ക് അവര്‍ക്ക് മനസ്സ് പറിച്ചു നടെണ്ടി വരും.. അവരുടെ വിഷമത്തില്‍ ഞാനും പങ്കു ചേരുന്നു ..
No comments:
Post a Comment