മനുഷ്യത്വത്തിന്‍റെ ഈ മുഖമില്ലാ
മുഖംമൂടിയില്‍ ഒരു
ചോദ്യചിഹ്നം കൂടി അവശേഷിപ്പിച്ച്
അവള്‍ യാത്രയായി...
ഇവിടെയെല്ലാം പരതിയിട്ടും
അന്യമായ സ്നേഹവും
സമാധാനവും തേടി
ഇല്ലാത്തൊരു പരലോകത്തേക്ക്‌..
ഹേ മനുഷ്യാ, നിന്‍റെ മുഖമെവിടെ??
അവന്‍ നോക്കി,ശിരസ്സിനു മുകളില്‍
തലയില്ല...
മറന്നു പോയി, എവിടെ വച്ച്
എന്നാണെനിക്കത് നഷ്ടമായത്‌..... ?
അവന്‍ തന്‍റെ ഉള്ളിലേക്കൊന്നു
ആഴ്ന്നു ചെന്നു...
എല്ലാം മലിനമായിക്കിടക്കുന്നു..
വെട്ടിപ്പിടിക്കാനുള്ള വ്യഗ്രതയില്‍
വേഗതയെ കീറിമുറിക്കാനുള്ള
തത്രപ്പാടില്‍ സ്വന്തം
ശിരസ്സും ശിരോവസ്ത്രവും
അഴിഞ്ഞുവീണു...
മുഖമില്ലാത്ത നിനക്കെന്തിനാ
ഈ മുഖംമൂടി??
അവനും ഉത്തരമില്ല,
പറയാന്‍ മുഖമില്ല,നാവില്ല...
മരവിച്ച മാനവികതയിലും
മുഖംമൂടി വില്പനക്കാര്‍ ധാരാളം,
എല്ലാര്‍ക്കും നേരെ കൊഞ്ഞനംകുത്തി...
No comments:
Post a Comment